NI OLIVER CARLOS
Inilathala ng Bulatlat
Vol. VII, No. 42, November 25-December 1, 2007

Natuyo na ang tinta
ng nagdadalamhating pluma.
Pahagulgol kung umihip,
at tila nakikiluha ang hangin
sa umaalmang papel.

Malamlam…
aandap-andap ang munting
ilawan…
Naghihinanakit marahil
sa huling saknong
na di man lang naisulat…

Huling saknong sana
ng isang tula…
ng dalamhati
at protestang
mandi’y nais ibulalas
ng nakalugmok na makata.

Isang bala ang kumitil
sa laya ng tula.

Inilathala ng (Bulatlat.com)

 Save as PDF