NI RUSTUM CASIA
Inilathala ng Bulatlat
Vol. VII, No. 18, June 10-16, 2007

Nang tanungin namin sila kung nasaan si Jonas,
kantang “‘Wag Kang Pasaway” ng K and The Boxers
at “Jumbo Hotdog” ang isinagot nila.

Tsk, tsk.
Matalino talaga silang sumagot.

Produkto ng closed-door command conference.
Masusing pinag-isipan.
Pinagbuhusan ng panahon.

Para bang ang hinahanap lang namin ay nawawalang tsinelas.
At yellow pad, at sintas ng sapatos,
at strap ng bra.

Para bang ang tinanatanong namin
ay kung nasaan na ang Maskulados ngayon,
kung maglalabas ba sila ng bagong album
o kung ano ang ineendorso nilang condom.

Tsk, tsk.

Makaramdam tayo ng matinding awa
kay Wally at Jose.

Dumarami ang aspiring na mga komedyante.

Inilathala ng(Bulatlat.com)

 Save as PDF