NI E. SAN JUAN, JR.
Inilathala ng Bulatlat.com
Vol. VIII, No. 31, September 7-13, 2008

Sa hapong tag-lagas may sugat na umaantak
Sa lamat ng mga kalsadang aspalto sa lungsod na dating pastulan ng mga katutubong Indyang Pequot.

Anong kabulaanan ang itinatago ng mga kortina sa durungawan?
Hindi alam ng mga kalapati kung ano ang kulay ng pag-asa.

Naupos na sigarilyo’y ibinurol ko sa tabi ng Tulay ng mga Palaka
Habang patungo ang prusisyon ng trapik sa Foxwood Casino na pag-aari ngayon ng Indyang Pequot.

Kung bakit sumingit sa isip ang Abu Sayyaf?
Sa takip-silim ng tag-lagas sinisilip sa gunita ang kutob at kilabot
bago tayo naglakbay patungong Amerika.
(Bulatlat.com)

 Save as PDF