Ni GERRY ANDAMO
Inilathala ng (Bulatlat.com)

Ang sugat ay maghihilom na pilat
Ang pilat ay gumagaling na sugat.

Ang pilat ay nangangahulugang minsa’y may sugat
Ang sugat ay nagbabadyang sa hinaharap ay may pilat.

Makirot, mahapdi ang sariwang sugat
Ang pilat ay hindi umaantak

Sabi ng iba’y iwasang magkasugat
Pagkat higit na masakit ang gamot na panlunas

Tunay ngang mahapdi ang tintura de yodo
Ngunit maigi na rin ang umukit sa takbo ng mundo.

Ang sugat ay karanasan ng pagpapanuto
Ang pilat ay kasaysayan at pagkakatuto.

Mga naiwang pilat ay matamis na alaala
Ng walang maliw na PAKIKIBAKA!

(Inilathala ng Bulatlat)

 Save as PDF